Fógra faoin Rogha is Dealraithí

Is mian le Comhairle Contae na hIarmhí, i gcomhar le Bonneagar Iompair Éireann, a fhógairt do na
páirtithe leasmhara go léir, d'úinéirí talún, do bhaill den phobal agus do pháirtithe leasmhara gur
roghnaíodh an Rogha is Dealraithí do thionscadal Ghlasbhealach Chill Bheagáin go dtí an
Muileann gCearr.

Tá sé i gceist leis an tionscadal glasbhealach a dhéanamh ó Chill Bheagáin go dtí an Muileann
gCearr a bheidh mar phríomhnasc straitéiseach idir an bonneagar glasbhealaigh bunaithe ar
Ghlasbhealach na Canálach Móire (a nascann Cill Bheagáin leis an Tulach Mhór) agus Conair an
tSean-Iarnróid/ Glasbhealaí na Canálach Ríoga (a nascann an Muileann gCearr le Baile Átha
Luain, Baile Átha Cliath, agus an Longfort). Cuimsíonn an Gréasán Náisiúnta Raonta Rothar tograí
chun an Muileann gCearr a nascadh leis an Tulach Mhór, rud a d'éascófaí leis an nglasbhealach
seo.

Conair áineasa a bheidh i nGlasbhealach Chill Bheagáin go dtí an Muileann gCearr, a chuirfidh
conair thiomnaithe ar fáil do thurasóirí, do chomaitéirí agus d'úsáideoirí fóillíochta a nascfaidh Baile
Chill Bheagáin le Baile an Mhuilinn Chearr. Áis fhiúntach áineasa a bheidh sa ghlasbhealach le
húsáid ag rothaithe, ag siúlóirí agus ag úsáideoirí eile nach iad.

Léiríodh an Chonair Bhealaigh is Dealraithí a Roghnófar don tionscadal i mí an Mheithimh 2025,
agus fuarthas 193 aighneacht mar chuid den chomhairliúchán poiblí sin. Ó shin i leith, tá an
Próiseas Roghnúcháin Rogha don scéim tugtha chun críche. Breithníodh sa phróiseas seo
aighneachtaí agus aiseolas a fuarthas le linn na tréimhse comhairliúcháin, mar aon leis an úsáid is
fear a bhaint as tailte faoi úinéireacht an stáit agus limistéir a bhaint den Chonair Bhealaigh is
Dealraithí a Roghnófar i gcás inar measadh nach dócha go bhforbrófaí bealach, rud a chabhródh
leis an bhFoireann Tionscadail an Rogha Conaire Bealaigh a thabhairt chun críche.

Tosaíonn an Rogha Conaire Bealaigh seo ag Cuan Chill Bheagáin agus cuimsítear ann cuid ó
thuaidh feadh Abhainn na Brosna go Béal Átha na nGabhar. As sin leanann sé ar aghaidh ansin ó
thuaidh go díreach ó dheas ó Loch Ainninn. Ag an bpointe sin cuimsíonn an Rogha Conaire
Bealaigh conair a nascann é le hIonad Eachtraíochta Lilliput. Ansin téann an Rogha Conaire
Bealaigh soir i dtreo Bhaile Uí Dhálaigh sula gcasann sé ó thuaidh agus leanann sé ar aghaidh soir
ó Loch Ainninn. Cuimsíonn an Rogha Conaire Bealaigh Coill na Carraige agus Teach agus
Gairdíní Belvedere araon. As sin leanann sé ar aghaidh ó thuaidh thart ar Loch Ainninn go Bóthar
Lynn sula gcasann sé siar ó thuaidh le nascadh le Conair an tSean-Iarnróid siar ó dheas ón
Muileann gCearr.

Tá léarscáil forbhreathnaithe den Rogha Conaire Bealaigh faoi iamh.

Foilsítear léarscáil na Rogha Conaire Bealaigh seo, mar aon leis an Tuarascáil Roghnúcháin
Roghanna chríochnaitheach, ar shuíomh gréasáin an tionscadail
www.kilbeggantomullingargreenway.ie ón gCéadaoin an 8 Deireadh Fómhair 2025. Tá cóip
chrua den tuarascáil agus den léarscáil ar fáil le breathú uirthi in Oifig Bóithre Náisiúnta na
hIarmhí, agus is féidir é sin a shocrú ach coinne a dhéanamh.

Tar éis an Rogha is Dealraithí a roghnú, tá tús curtha anois leis an gcéad chéim eile de phróiseas
pleanála agus deartha Bhonneagar Iompair Éireann, Céim 3 – Dearadh agus Meastóireacht
Chomhshaoil. Is éard a bheidh i gceist leis sin dearadh an tionscadail a fhorbairt bunaithe ar
ionchuir theicniúla agus chomhshaoil araon, go dtí céim ina bhfuil leibhéil leordhóthanacha sonraí
ann chun riachtanais maidir le tógáil talún a bhunú, chun tionchair tionscadail a shainaithint agus a
mhaolú, agus chun an tionscadal a chur chun cinn trí na próisis reachtúla.

Le linn phróiseas Chéim 3, tá an Fhoireann Tionscadail tiomanta do theagmháil leanúnach a
dhéanamh le daoine atá ina gcónaí, ag obair nó ar leo talamh agus maoin laistigh den Limistéar 
Staidéir, ach tógfaidh sé roinnt ama forbairt a dhéanamh ar dhearadh an ghlasbhealaigh agus ar
shainaithint na dtionchar ar thalamh agus ar mhaoin.

D'fhonn bonn eolais a chur faoin bpróiseas deartha, tabharfaidh an Fhoireann Tionscadail faoi
raon suirbhéanna ar láithreáin innealtóireachta agus comhshaoil ar dtús. Beidh an fhoireann
deartha i dteagmháil le húinéirí talún ábhartha chun na suirbhéanna seo a shocrú.

De réir mar a chuirtear suirbhéanna an láithreáin i gcrích, is féidir dul chun cinn a dhéanamh ar
réamhdhearadh agus ar mheastóireacht chomhshaoil an ghlasbhealaigh. Nuair a bheidh leibhéal
áirithe forbartha bainte amach leis an dearadh inar féidir plé eolasach a dhéanamh, rachaidh an
Fhoireann Tionscadail i gcomhairle le húinéirí talún a bhfuil tionchar díreach ag an tionscadal orthu
maidir leis an dearadh tosaigh agus a thionchar ar thalamh agus ar mhaoin. Ina dhiaidh sin,
breithneofar aiseolas, agus féadfar leasuithe a dhéanamh, nuair is indéanta, sula dtabharfar an
dearadh chun críche.

Má tá aon cheist nó aiseolas eile agat maidir leis an tionscadal, ná bíodh aon leisce ort teagmháil a
dhéanamh trí aon cheann de na bealaí cumarsáide thíos chun cruinniú pearsanta, glao gutháin nó
cruinniú fíorúil a eagrú.

Suíomh gréasáin: https://www.kilbeggantomullingargreenway.ie/
Seoladh Ríomhphoist: info@kilbeggantomullingargreenway.ie
Seoladh Poist: Oifig na mBóithre Náisiúnta,
Comhairle Contae na hIarmhí,
An Coillín Beag, An Muileann gCearr, Co. na hIarmhí N91 T2PE.

Guthán: 087 671 3210 (9 r.n. go 4.30 i.n., Luan go hAoine)

‌

Content Last Updated/Reviewed: 08/10/2025